काठमाडौँ । नेपाल सरकार र विद्युत् प्राधिकरणको संयुक्त लगानीमा निर्माण सम्पन्न ४०० केभी क्षमताको प्रसारण लाइन सञ्चालनमा आउने भएको छ । नेपाल विद्युत् प्राधिकरणले आजदेखि सो प्रसारण लाइनलाई सञ्चालनमा ल्याउने भएको हो ।
प्राधिकरणले एक सूचना जारी गर्दै नेपाल भारत विद्युत् प्रसारण तथा व्यापार आयोजनाले निर्माण गरेको यो प्रसारण लाइन आजदेखि सञ्चालनमा ल्याउने जनाएको हो । यसका लागि प्रसारण लाइनका कुनै पनि टावरमा नचढ्न र तार नछुन सूचना जारी गरिएको हो ।
