काठमाडौं । छिमेकी राष्ट्र भारतमा जलविद्युत बीमा सम्बन्धि छुट्टै पुल गठन भएको खबर प्राप्त भएको छ । वर्षाका कारण ठूला आयोजनाहरुमा क्षति पुग्न सक्ने भन्दै त्यस्तो पुल गठन गरिएको हो ।
यता नेपालमा पनि वर्षाले हरेक साल सताउने गर्छ । तर,त्यसरी सताए पनि न त पुल नै गठन गरिन्छ न त विपत व्यवस्थापनमा बीमालाई जोड्ने कुनै ठोस कदम चालेको नै देखिन्छ ।
यसै साता भारतीय संचार माध्यमहरुमा प्रकाशित सूचनालाई आधार मान्ने हो भने पुलको गठनलाई त्यहाँ निकै सकारात्मक रुपमा लिइएको छ । यस अघि पनि भारत सरकारले आतंकवाद टेरोरिजम सम्बन्धि पुलको गठन गरेको थियो । उक्त पुलको अपार सफलता पछि अहिले फेरी जलविद्युतमा पनि पुल मोडेलको सुरुवात गर्न लागिएको हो ।
