काठमाडौं । अर्थतन्त्रको ऐनाको रुपमा हेरिँदै आएको धितोपत्र दोस्रो बजार सरकारको आगामी आर्थिक वर्ष ०८१/८२ को बजेट वक्तव्यपछि निरन्तर घटेको छ । यस वर्षको बजेटमा सरकारले नयाँ कुनै नीतिलाई समावेश नगर्दा लगानीकर्ता केही निरास बनेको देखिन्छ ।
गत साताको अन्तिम कारोबार दिन २ हजार १३१ दशमलव ४९ विन्दुमा बन्द भएको नेप्से यो साताको अन्तिम कारोबार दिन २ हजार ६९ दशमलव ५३ विन्दुमा आएर बन्द भएको छ । गत साताको तुलनामा यो साता नेप्से परिसूचक २ दशमलव ९१ प्रतिशतले घटेको हो ।
