सरकारले आगामी आर्थिक वर्षमा कृषि क्षेत्रमा ५७ अर्ब २९ करोड रूपैयाँ बजेट विनियोजन गरेको छ। बजेटमार्फत सरकारले पाँच रूपान्तरकारी क्षेत्रका रूपमा कृषि क्षेत्रलाई प्राथमिकता दिए पनि चालु आवको तुलनामा बजेट भने कटौती गरिएको छ।
चालु आवको तुलनामा सरकारले झन्डै डेढ अर्ब रूपैयाँ कृषि क्षेत्र बजेट घटाएर ल्याएको हो। चालु आवमा सरकारले कृषि क्षेत्रमा ५८ अर्ब ९८ करोड रूपैयाँ बजेट छुट्याएको थियो। आगामी आर्थिक वर्षदेखि सरकारले कृषिलाई लगानी दशकका रूपमा मनाउने महत्वाकांक्षी योजना अघि बढाएको छ।
