काठमाडौँ । बढ्दो निक्षेपको तुलनामा कर्जा लगानीमा खुम्चिरहेका बैंक तथा वित्तीय संस्थाहरूले पछिल्लो चैत महिनामा आक्रामक लगानी गरेका छन् । नेपाल राष्ट्र बैंकले जारी गरेको रिपोर्ट अनुसार बैंकहरूले चैतमा मात्र ५० अर्ब ५५ करोड रुपैयाँ लगानी गरेका हुन् ।
२०८० चैत मसान्तसम्म बैंक तथा वित्तीय संस्थाहरूले कूल ५१ खर्ब २७ अर्ब रुपैयाँ कर्जा लगानी गरेका छन् । अघिल्लो महिना फागुन मसान्तसम्म बैंकहरूले ५० खर्ब ९१ अर्ब रुपैयाँ लगानी गरेका थिए ।
