नवलपरासी (बर्दघाट सुस्ता पश्चिम) । एमसिए नेपालले लुम्बिनी प्रदेशको नवलपरासी (बर्दघाट सुस्ता पश्चिम) जिल्लामा ४०० केभी नयाँ बुटवल सबस्टेशन निर्माणसम्बन्धी ठेक्का लिङ्कसन इण्डिया प्रालिलाई दिएको छ । सबस्टेशनको ३९ महिनाभित्र निर्माण सम्पन्न गर्ने गरि उक्त कम्पनीसँग सोसम्बन्धी सम्झौतामा हस्ताक्षर भएको एमसिए नेपालले जनाएको छ ।
नवलपरासीमा आज आयोजित हस्ताक्षर समारोहमा नेपाल विद्युत् प्राधिकरणका कार्यकारी निर्देशक कुलमान घिसिङ, नेपालका लागि अमेरिकी राजदूत डीन आर. थम्पसन, स्थानीय अधिकारीहरू तथा निर्वाचित जनप्रतिनिधिहरूको उपस्थिति रहेको थियो ।
