पोखरा । कास्कीमा साइबर अपराधका घटना निरन्तर बढिरहेको छ । प्रविधिको विकाससँगै पछिल्लो समय साइबर अपराधको दर बढेको हो ।
माघदेखि चैतसम्ममा ४०८ वटा साइबर अपराध सम्बन्धी उजुरी दर्ता भएको कास्की प्रहरी प्रवक्ता डीएसपी बसन्तकुमार शर्माले जानकारी दिए ।
उनका अनुसार सामाजिक सञ्जालको दुरुपयोग तथा अनधिकृत पहुँचका २२० निवेदन दर्ता भएको छ भने २१ निवेदन उपर अनुसन्धान भइरहेको छ । १९९ निवेदन साइबर ब्युरोमा फरवार्ड गरिएको उनले जनाए ।
