सरकारले रातारात ऐन नियम संशोधन गरेर विदेशी लगानीकर्ता आकर्षित गर्न खोजे पनि स्वदेशी लगानीकर्तालाई उपेक्षा गरेपछि लगानीकर्ताहरु आन्दोलित भएका छन् । सरकारले यही बैशाख १६ र १७ गते लगानी सम्मेलनको तयारी गरिरहँदा देशको पुँजी बजार मापक नेप्से परिसूचक भने विगत साढे दुई वर्षदेखि १८ सयदेखि २२ सयकै हाराहारीमा रुमल्लिरहेको छ ।
स्वदेशी लगानीकर्तालाई उपेक्षा गरेको भन्दै विभिन्न लगानीकर्ता संगठनहरुले राजधानीको भृकुटीमण्डपमा भेला भएर विरोध प्रदर्शन गरे । उनीहरूले लगानी सम्मेलनकाे समय भर बिराेध जारी राख्ने घाेषणा गरे ।
