बाबुकृष्ण महर्जन
बैंकहरुले निक्षेपमा दिने व्याज दर हरेक महिना घटाउँदै लगेपछि ऋणपत्रको प्रतिफल आकर्षक देखिन थालेको छ । तरलता अभावको समयमा मुद्दती निक्षेपमा १२ प्रतिशतसम्म व्याज दिन थालेका बैंकहरुले बैकिङ प्रणालीमा तरलता थुप्रिदै गएपछि विस्तारै व्याज दर घटाउन थालेका छन् । बैंकबाट पाउने प्रतिफल घटेपछि लगानीकर्ताहरु ऋणपत्रतर्फ आकर्षित भए।
२० वाणिज्य बैंकमध्ये १३ वटा बैंकले वैशाखको लागि ब्याजदर घटाएका थिए । जसमा साधारण निक्षेप खाताको ब्याज ३ देखि ४ प्रतिशतमा झरेको छ । त्यस्तै व्यक्तिगत मुद्दती निक्षेपमा औसत ७.२५ प्रतिशत व्याज दिइरहेका बैकले बैशाखमा औसत ७ दशमलब ०७ प्रतिशत व्याज दर पुर्याएका छन् ।
