काठमाडौं ।आवश्यक प्रक्रिया पूरा नगरी ऋण प्रवाह गर्दा वाणिज्य बैंकहरूमा कर्जा जोखिम बढ्दै गएको नेपाल राष्ट्र बैंकले औंल्याएको छ । बैंक, वित्तीय संस्थाहरूमा बढिरहेको खराब कर्जाले पनि कर्जा जोखिम बढेको संकेत गरेको छ ।
केन्द्रीय बैंकमा रहेको बैंक सुपरिवेक्षण विभागले गत आर्थिक वर्ष (आव) २०७९/८० मा गरेको वाणिज्य बैंकहरूको स्थलगत तथा गैरस्थलगत अनुगमनका आधारमा बैंकहरूको कर्जा लगानीमा प्रक्रिया पूरा नभएको, ऋण सदुपयोग नभएको, क्षमताभन्दा अधिक कर्जा दिएको, ऋण तिर्नका लागि कर्जा दिएको लगायत कमजोरी औंल्याएको हो ।
