नयाँदिल्ली : भारतीय प्रधानमन्त्री नरेन्द्र मोदीले आइतबार आफ्नो भारतीय जनता पार्टी (भाजपा) को चुनावी रणनीति सार्वजनिक गर्दै सामाजिक खर्च बढाउने, पूर्वाधार विकास र भारतलाई विश्वव्यापी उत्पादन केन्द्र बनाउने वाचा गरेका छन् ।
मोदी तेस्रो पाँच वर्षको कार्यकालका लागि सत्तामा फर्कने आशामा रहेका छन् । उनी तथा भाजपाका अन्य नेताहरुले बहुचरणको आम निर्वाचन सुरु हुनु केही दिनअघि विश्वको सबैभन्दा ठूलो लोकतन्त्रमा आफ्ना वाचाहरु सार्वजनिक गरेका छन् ।
