कच्चा तेल अझै महँगो हुने सम्भावना रहेकाे छ । जेपी मोर्गन एण्ड चेजले अगस्टदेखि सेप्टेम्बरसम्ममा कच्चा तेलले १०० डलर नाघ्ने अनुमान गरेको छ । यसकारण विश्वभर बढ्दो मुद्रास्फीतिको चिन्ता बढाएको छ।
जेपी मोर्गन एण्ड चेजका अनुसार कच्चा तेलको मूल्य धेरै राष्ट्रहरूबीचको नयाँ तनाव र आपूर्तिमा कमीका कारण तीव्र गतिमा वृद्धि हुनेछ। हाल कच्चा तेलको भाउ ६ महिनाकै उच्च ९० डलर पुगेको छ ।
विश्वमा नै मुद्रास्फीति बढ्ने
विश्लेषकहरूका अनुसार कच्चा तेलको मूल्य वृद्धिले मुद्रास्फीतिको चिन्ता पनि बढाएको छ। यसले केन्द्रीय बैंकहरूको दर कटौती योजनालाई असर गर्न सक्छ। विश्वव्यापी रूपमा, कच्चा तेलकाे माग राम्रो छ तर आपूर्ति कम रहेकाे छ। मेक्सिकोबाट तेल निर्यात गत महिना ३५ प्रतिशतले घटेर २०१९ यताकै न्यून स्तरमा झरेको छ। मेक्सिको,अमेरिका, कतार र इराक जस्ता राष्ट्रले मार्चमा आफ्नो संयुक्त तेल उत्पादन प्रति दिन १० लाख ब्यारेलले घटाए।
मूल्यवृद्धिकाे कारण यस्ताे छ
इजरायल र इरानबीच तनावको वातावरण छ । दुई देशबीच जुनसुकै बेला युद्धको स्थिति आउन सक्छ । यसबाहेक,वस्तु-संचालित मुद्रास्फीति पुनरागमन गर्न सुरु भएको छ। जसका कारण कच्चा तेलको भाउ बढ्ने प्रबल सम्भावना छ ।
कच्चा तेलको निर्यात घटाउन मेक्सिकोको हालैको कदमले विश्वव्यापी रूपमा दबाब बढाएको छ। जसका कारण अमेरिकामा तेलको खपत बढेको छ ।
