ऊर्जा सम्बन्धी विभिन्न चार वटा परियोजनामा ९९ अर्ब १८ करोड लगानी स्वीकृत भएको छ।
लगानी बोर्डको ५७औं बैठकले सुपर तमोर जलविद्युत परियोजना, अपर मोदी ए जलविद्युत परियोजना, कोहलपुर बाणगंगा सौर्य ऊर्जा परियोजना र तल्लो मनाङ मर्स्याङ्दी जलविद्युत परियोजनामा लगानी स्वीकृत गरेको हो।
यी परियोजनामध्ये २५० मेगावाटको सौर्य ऊर्जा परियोजना र तल्लो मनाङ मर्स्याङ्दी जलविद्युत परियोजना विदेशी लगानीका परियोजना हुन्।
१६६ मेगावाटको सुपर तमोरका लागि ३४ अर्ब ५९ करोड लागत अनुमान छ। ४२ मेगावाटको अपर मोदी ए मा १० अर्ब आठ करोड लागत अनुमान गरिएको छ।
