बुटवलको सुप्रिम सहकारी ठगी प्रकरणमा पक्राउ परेका पूर्वउपराष्ट्रपति नन्दकिशोर पुनका छोरा दीपेश पुनलाई थप आठ दिन हिरासतमै राख्न रुपन्देही जिल्ला अदालतले अनुमति दिएको छ ।
शुक्रबार काठमाडौँबाट पक्राउ परेका पुनलाई आइतबार रुपन्देही जिल्ला अदालतमा म्याद थपका लागि पेस गरिएको थियो । शुक्रबार नै रुपन्देही ल्याइएका पुनविरुद्ध सुप्रिम सहकारीको ७८ करोड रकम अपचलन गरेको आरोप छ । उक्त प्रकरणमा मुख्य आरोपित जीवी राई भने हालसम्म फरार नै रहेका छन् ।
