यो साता नेप्से परिसूचकसँगै ठुला कम्पनीको मात्र कारोबार मापक सेन्सेटिभ इन्डेक्स पनि गत साताको तुलनामा २ दशमलव २० प्रतिशत घटेको छ । कारोबार रकम करीब ६ प्रतिशत घटेको यो साता कारोबार कित्ता १० प्रतिशतभन्दा बढीले घटेको छ । औसत कारोबार रकम करीब २५ प्रतिशत घट्दा औसत कारोबार कित्ता २८ प्रतिशतभन्दा बढीले घटेको छ ।
गत साता चार कारोबार दिनमा १२ अर्ब ३३ करोड ७१ लाख रुपैयाँभन्दा बढीको ३ करोड ५९ लाख ७४ हजारभन्दा बढी कित्ता धितोपत्र कारोबार भएकोमा यो साता पाँच कारोबार दिनमा ११ अर्ब ६१ करोड १३ लाख रुपैयाँभन्दा बढीको ३ करोड २३ लाख ३७ हजारभन्दा बढी कित्ता धितोपत्र कारोबार भएको हो ।
