नेपाल विद्युत् प्राधिकरण र बंगलादेश पावर डेभलपमेन्ट बोर्ड (बिपिडिबी) बीच भएको विद्युत् खरिद बिक्री सम्झौता दररेटमा कुरा नमिलेका कारण हुन सकेन। सम्झौता हुन नसके पनि वार्ता भने सकारात्मक रूपमा अगाडि बढेको जनाइएको छ।
आगामी वर्षायामबाटै बंगलादेशमा विद्युत् निर्यात गर्ने गरी दुई देशबीच जतिसक्दो छिटो विद्युत् खरिद बिक्री सम्झौता गर्ने सहमति भने भएको छ। प्राधिकरणका कार्यकारी निर्देशक कुलमान घिसिङ नेतृत्वको टोली र बिपिडिबीअन्तर्गतको बोलपत्र (बिड) मूल्यांकन समितिबीच बिहीबार बंगलादेशको ढाकामा बार्ता भएको थियो।
