काठमाडौं : नेप्से सूचक मंगलबार ३०.५६ विन्दुले घटेको छ । यससँगै सूचक २०७०.५९ अंकमा आएको छ । ४ अर्ब ६६ करोड रुपैयाँभन्दा बढीको सेयर कारोबार भएको छ । सबै समूहका सूचक घटेका छन् । यस दिन ३ कम्पनीको सेयर मूल्यमा सकारात्मक सर्किट लागेको छ ।
मौद्रिक नीतिको अर्थवार्षिक समीक्षापछि लगानीकर्ता रुष्ट भएका हुन् । समीक्षामार्फत सेयर बजारका लागि कसिएका नीतिहरु खुकुलो हुने अपेक्षामा रहेका लगानीकर्ता त्यस्तो केही पनि नआएपछि बेखुशी भएका हुन् ।
