२४ माघ । भारतीय रिजर्भ बैंकले पेटीएम पेमेन्ट बैंक (पीपीबीएल)को सेवामा रोक लगाउनेगरी आदेश जारी गरेसँगै माउ कम्पनी वन–९७ कम्युनिकेसनको सेयर मूल्यमा उच्च गिरावट देखिएको छ ।
आगामी २९ फेब्रुअरीदेखि लागू हुनेगरी भारतीय रिजर्भ बैंकले कम्पनीको बैंकिङ सेवा रोक्न आदेश जारी गरेको छ । सोही आदेशका कारण वन–९७ कम्युनिकेसनको सेयर मूल्य ३ दिनमा ४२ प्रतिशतसम्म घट्यो । यद्यपि मंगलबार भने मूल्य केही सम्हालिएको छ ।
