काठमाडौं । अब सहकारी संस्था पनि स्वास्थ्य बिमामा आबद्ध हुन पाउने भएका छन् । स्वास्थ्य बिमा बोर्डले सहकारीले सञ्चालन गरेका स्वास्थ्य संस्थालाई पनि बिमामा आबद्ध हुन सक्ने व्यवस्था गरेको हो ।
बोर्डले पुस ८ गतेदेखि लागू हुने गरी निजी, सामुदायिक तथा सहकारी संस्थाले दिएका आवेदनका आधारमा बिमामा आबद्ध हुन सक्ने सहमति दिने निर्णय भएको बिमा बोर्डले जनाएको हो । तर, सरकारीमा सेवा उपलब्ध नभएमा मात्र बिमितले निजी, सामुदायिक तथा सहकारी संस्थामा सेवा लिन पाउनेछन् ।
