प्रिमियममा आईपीओ निष्काशन गरेका जीवन बीमा कम्पनीलाई प्रिमियम बापतकाे रकम खर्च नगरी छुट्टै रिजर्भमा राख्न निर्देशन दिएपछि शेयर बजारमा नकारात्मक असर परेको छ । बिहीबार अन्तिम १० मिनेटमा मात्रै बजार घटेर नकारात्मक भए पनि जीवन बीमा समूह भने शुरुदेखि नै घटेर कारोबार भएकाे थियाे ।
सार्वजनिक लेखा समितिले नेपाल बीमा प्राधिकरणलाई प्रिमियम शुल्कमा साधारण शेयर (आईपीओ) निष्काशन गर्ने निणर्य फिर्ता गर्न निर्देशन दिएको थियो । पछिल्लो समय आईएमई लाइफ इन्स्योरेन्स, सिटिजन्स लाइफ इन्स्योरेन्स, सन नेपाल लाइफ इन्स्योरेन्स र रिलायबल नेपाल लाइफ इन्स्योरेन्सले प्रिमियम मूल्यमा शेयर निष्काशन गरेर दोस्रो बजारमा समेत कारोबार भइसकेको छ ।
