काठमाडौं । निर्माण व्यवसाय क्षेत्रमा भएका समस्या सरकारले सम्बोधन नगरेको भन्दै निर्माण व्यवसायीहरुले फेरि आन्दोलन गर्ने चेतावनी दिएका छन् । सरकारले म्याद थपको विषयलाई गम्भीर रूपमा नलिँदा निर्माण सम्पन्न भइसकेको ४० अर्ब रुपैयाँभन्दा बढीको बिल पेश गर्न नसकेको भन्दै नेपाल निर्माण व्यवसायी महासंघले आन्दाेलन गर्ने चेतावनी दिएकाे हाे ।
सकिएको कामको भुक्तानीलगायत निर्माण व्यवसायसँग सम्बन्धित माग पूरा गराउन महासंघले पटकपटक आन्दोलन गर्दै आएको छ । विगतमा गरेका आन्दोलन र त्यसपछि सरकारसँग भएको सहमति कार्यान्वयन नगरेको भन्दै महासंघले सोमवार प्रेस विज्ञप्ति जारी गरेर पुन: आन्दोलन गर्ने बताएको हो ।
