काठमाडौँ । चालू आर्थिक वर्षको ५ औं महिनामा पनि वैदेशिक व्यापारको मात्रा घटेको छ । भन्सार विभागका अनुसार गत आर्थिक वर्षको सोही अवधिको तुलनामा साउनदेखि मंसिरसम्मको अवधिमा वैदेशिक व्यापार खुम्चिएको हो ।
तथ्यांकमा नेपालको आयात, निर्यात र वैदेशिक व्यापार तथा व्यापार घाटा नै खुम्चिएको छ । चालू आर्थिक वर्षको मंसिर महिनासम्मको अवधिमा ६ खर्ब ४२ अर्ब २० करोड ८९ लाख रुपैयाँको आयात भएको छ । जबकि, गत वर्षको यहि अवधिमा ६ खर्ब ६४ अर्ब ७४ करोड ६४ लाख रुपैयाँको आयात भएको थियो । यो ३.३९ प्रतिशतको गिरावट हो ।
