काठमाडौँ । भारतका विभिन्न बैंकमा बेवारिस रकम अर्थात् ‘अनक्लेम्ड डिपोजिट’ बढ्दै गएको छ । मंगलबार भारत सरकारले त्यहाँको संसदमा यसबारे तथ्याङ्क पेस गरेको थियो ।
सरकारले पेस गरेको तथ्याङ्क अनुसार मार्च २०२३ सम्म भारतका विभिन्न बैंकमा जम्मा भएको बेवारिस रकम ४२ हजार २७० करोड रुपैयाँ पुगेको छ । यो यस्तो रकम हो, जो विभिन्न बैंकमा जम्मा भएर पनि त्यसका हकवाला कोही नदेखिएका हुन् ।
बिजनेस स्ट्याण्डर्डको रिपोर्ट अनुसार सन् २०२२ मा सार्वजनिक र निजी क्षेत्रका बैंकमा ‘अनक्लेम्ड डिपोजिट’ ३२ हजार ९३४ करोड रुपैयाँ थियो । तर सन् २०२३ को मार्चसम्ममा यो रकम बढेर ४२ हजार २७२ करोड पुगेको छ ।
