काठमाडौं : सेयर बजार सोमबार झिनो सुधार भएको छ । अन्तिम प्रहरमा आएर नेप्से सूचकमा सामान्य वृद्धि देखिएको हो । यस दिन नेप्से सूचक ३.०४ विन्दुले बढेर १८७८.७० अंकमा आएको छ । सूचक हरियो बने पनि कारोबार रकम भने सुस्त नै देखिएको छ । करिब ६९ करोड ४२ लाख रुपैयाँको मात्र सेयर कारोबार भएको छ । यस दिन १३ मध्ये १० वटा समूह हरियो बनेको छ ।
दसैंपछि आइतबारदेखि सेयर बजार खुला भएको हो । विदापछि खुलेको पहिलो दिनमै बजार घटेको थियो । तर सोमबार कारोबारको अधिकांश समय घटेको नेप्से बन्द हुने बेलामा भने हरियो बन्न सफल भएको हो ।
