काठमाडौं। हाल दैनिकजसो बैंक, वित्तीय संस्था तथा लघुवित्त कम्पनीहरुका सेयरधनीहरुले संस्थापक सेयर बिक्रीमा राखेर सूचना जारी गरेको देखिन्छ । सेयरधनीहरुले हजारदेखि लाखौं कित्तासम्म सेयर बिक्री खुला गरिरहेका हुन्छन् ।
तर तोकिएको समयमा उक्त सेयर सबै बिक्री भएको हुँदैन । नेपाल राष्ट्र बैंकको नियम अनुसार संस्थापक सेयरधनीले पहिला विद्यमान संस्थापकलाई सेयर बिक्री खुला गर्नुपर्ने हुन्छ । उक्त सेयर तोकिएको समयभित्र बिक्री नभएमा पछि गएर अन्य व्यक्तिले समेत खरिद गर्न मिल्ने गरी बिक्री खुला गरिन्छ ।
