सिटिजन्स लाइफ इन्स्योरेन्सको आइपीओ भर्ने मंगलबार अन्तिम दिन थियो तर त्यही बेला धेरैको डिम्याट खाता रोक्का भयो । आइपीओ भर्न नपाइने त्रासमा धेरैले किन रोक्का भयो भनेर खोजीनीति नै नगरी डिम्याट खाता नविकरण गरे ।
डिम्याट खाताको नविकरण शुल्क प्रत्येक वर्ष १ सय रुपैयाँ र मेरो शेयर शुल्क ५० रुपैयाँ गरेर प्रत्येक वर्ष १ सय ५० रुपैयाँ प्रति डिम्याटबापत् बुझाउनुपर्ने हुन्छ । १ सय रुपैयाँ डिम्याट खाता खोल्ने सम्बन्धित क्यापिटललाई बुझाउनु पर्ने रकम हो भने ५० रुपैयाँ भने सीडीएससीलाई बुझाउनुपर्छ । यसअघिका वर्षहरुमा सीडीएससीको मेरो शेयर सफ्टवेयरको लागि मात्रै वार्षिक ५० रुपैयाँ तिरे पनि डिम्याट खाता लगइन हुने गर्दथ्यो । सीडीएससीले सो रकम नपाएमा मेरो शेयर नै नखुल्ने गरी लक गरिदिन्थ्यो । डिम्याटबापत् वार्षिक रुपमा तिर्नुपर्ने रकम भने सधैं बाँकी नै हुने गर्दथ्यो । ...
