काठमाडौँ — जुलाइ महिनाको अन्तिम साता प्रविधि कम्पनीहरूको सेयर मूल्यमा आएको उछालले विश्वका दुई ठूला प्रविधि कम्पनी एप्पल र माइक्रोसफ्टको कुल बजार मूल्यमा सुधार मात्रै गरेन, विश्वकै मूल्यवान कम्पनीका रूपमा समेत स्थापित गरिदिएको छ ।
वित्तीय बजार विश्लेषण गर्ने प्लाटफर्म रिफिनिटिभ आइकोनले जुलाई ३१ को बजार मूल्यलाई आधार मानेर सार्वजनिक गरेको तथ्यांकअनुसार विश्वका दश मूल्यवान कम्पनीमध्ये ६ प्रविधि वा ईकमर्स क्षेत्रका छन् भने ९ कम्पनी अमेरिकाका छन् ।
