काठमाडौं : फेसबुकको माउ कम्पनी ‘मेटा’ ले बुधबार सार्वजनिक गरेको नयाँ एप्लिकेसन ‘थ्रेड्स’ मा १ करोड प्रयोगकर्ता जोडिएका छन् । एप सार्वजनिक भएको ७ घण्टामै १० करोड प्रयोगकर्ता पुगेको मेटाका प्रमुख कार्यकारी अधिकृत मार्क जकरबर्गले जानकारी गराएका छन् ।
सार्वजनिक भएको पहिलो २ घण्टामै २० लाख, ४ घण्टामा ५० लाख हुँदै ७ घण्टामा १ करोड प्रयोगकर्ता जोडिएको उनले जानकारी गराएका छन् । विगतमा हेर्ने हो भने १ करोड प्रयोगकर्ता पुर्याउन ८५२ दिन र ट्वीटरलाई ७८० दिन लागेको थियो । थ्रेड्समा ‘साइन अप’ गर्न पनि सजिलो रहेको छ । प्रयोगकर्ताले आफ्नो ‘इन्टाग्राम’ खातामार्फत नै जोडिनसक्ने भएकाले पनि प्रयोगकर्ताको संख्यामा तीब्र वृद्धि भएको हो ।
