शुक्रवार भारतीय शेयर बजारले ऐतिहासिक रेकर्ड बनाएकाे छ। सेन्सेक्स ८०३ अंकले वृद्धि भएर ६४,७१८ विन्दुमा पुगेकाे छ। निफ्टी पनि २१६ अंकले बढेर १९,१८९ विन्दुकाे रेकर्डस्तरमा बन्द भएकाे छ। यो सेन्सेक्स र निफ्टी दुबैकाे हालसम्मकै उच्च विन्दु हाे ।
काराेबारकाे समयमा सेन्सेक्सले ६४,७६८ र निफ्टीले १९,२०१ काे उच्चस्तर छाेएकाे थियाे । याेसँगै सेन्सेक्स र निफ्टी दुबैले नयाँ अल टाइम हाई र ५२ साताकै उच्च भइ रेकर्ड पनि कायम गरेकाे छ । यसअघि बुधवार पनि सेन्सेक्स र निफ्टीले आफ्नो नयाँ रेकर्ड बनाएकाे थियाे ।
महंगी कम हुँदा र कच्चा तेलकाे मूल्यमा गिरावट भएसँगै भारतकाे शेयर बजारमा उच्च वृद्धि देखिएकाे हाे ।
एम एण्ड एम -इन्फोसिस निफ्टी-५० काे टप गेनर
सेन्सेक्सका ३० शेयरहरूमध्ये २८ बढेकाे छ भने २ शेयर घटेकाे छ। यसैगरी,आज एम एण्ड एम, इन्फोसिस, इन्डसइन्ड बैंक, सन फार्म, हीरो मोटोकर्प, टीसीएस, मारुति र बजाज अटो समेत गरी निफ्टी-५०का ४० शेयरहरू बढेका छन्। निफ्टीकाे अडानी पोर्ट्स, ग्रासिम, अपोलो हॉस्पिटल, एचडीएफसी लाइफ, अडानी इन्टरप्राइजेज, डिविस ल्याब, आईसीआईसीआई बैंक र बीपीसीएल लाइट गरी १० शेयरमा भने गिरावट देखिएकाे छ ।
आईटी क्षेत्रमा सबैभन्दा बढी २.५० प्रतिशतकाे वृद्धि
एनएसइका ११ सेक्टरल इंडेक्समध्ये १० मा बढाेत्तरी हुँदा एक शेयरमा गिरावट देखिएकाे छ। यस दिन आईटी क्षेत्र सबैभन्दा बढी २.५० %ले बढेकाे छ। अटो र पीएसयू बैंक सेक्टर पनि २ प्रतिशत भन्दा बढिले उकालाे लागेकाे छ। फार्मा र प्राइभेट बैंक सेक्टरमा १ प्रतिशत भन्दा बढीकाे वृद्धि देखिएकाे छ। बैंक, फाइनान्सियल सर्भिसेज, एफएमसीजी, मिडिया र रियल्टी सेक्टर पनि हरियाे भएकाे छ। शुक्रबार मेटल सेक्टरमा मात्र सामान्य गिरावट देखिएकाे हाे ।
