निराजन सापकोटा
काठमाडौं : वैदेशिक रोजगारीमा रहेका नेपालीलाई आरक्षण दिन थालेपछि अहिलेसम्म २२ वटा कम्पनीले आइपीओ बिक्री गरिसकेका छन् । जसमध्ये अहिले घोराही सिमेन्टले विदेशमा रहेकाहरुलाई आइपीओ बिक्री खुला गरिरहेका छन् ।
बाँकी २१ वटा कम्पनीको आइपीओमा आवेदन दिने समय भने बन्द भइसकेको छ । यता, नेपाल रिपब्लिक मिडियाले यही वैशाख ३१ गते र अप्पर स्याङ्गे हाइडोपावरले पनि जेठ १ गते देखि विदेशमा रहेका नेपाली श्रमिकलाई आइपीओ बिक्री खुला गर्दैछ ।
नेपाल धितोपत्र बोर्डले गत कात्तिकदेखि वैदेशिक रोजगारीमा रहेकालाई आइपीओमा आरक्षणको व्यवस्था गरेको थियो । स्वदेशमा रेमिटेन्स भित्र्याउनका लागि प्रोत्साहित गर्ने उद्देश्यले सरकारले वैदेशिक रोजगारमा रहेकालाई आइपीओमा कोटा छुट्याउने व्यवस्था गरेको हो ।
