काठमाडौं : दोल्ती पावर कम्पनीको आइपीओमा ६४ करोड ८० लाख ३२ हजार रुपैयाँको आवेदन परेको छ । सीडीएसका अनुसार आज चैत २९ गते) सम्म ५ लाख ७८ हजार ३११ जनाले ६४ लाख ८० हजार ३२० कित्तका लागि आवेदन दिएका छन् । यो सर्वसाधारको लागि बिक्री खुला गरिएको कित्तालाई आधार मान्दा ५.०९५ गुणा बढी आवेदन हो ।
कम्पनीले मंगलबार (चैत २८ गते) देखि १ करोड ७ लाख २९ हजार ८ सय रुपैयाँ बराबरको आइपीओ जारी गरेको हो । यसअनुसार यसले प्रतिकित्ता १०० अंकित मूल्यका दरले १० लाख ७२ हजार ९७२ कित्ता साधारण सेयर निष्कासन गरेको छ । यो मध्ये ५% अर्थात् ६८ हजार १७ कित्ता सामूहिक लगानी कोषलाई छुट्याइएको छ भने १ लाख ७ हजार २९८ कित्ता साधारण सेयर वैदेशिक रोजगारीमा रहेका नेपालीहरुका लागि बाँडफाँट गरिसकेको छ ।
