सानिमा मिडल तमोर हाइड्रापावर लिमिटेडको पहिलो दिनको कारोबारमै म्युचुएल फन्डहरुले टन्न शेयर बिक्रीमा राखेका छन् । यो समाचार तयार पार्दा सम्म यो कम्पनीको झन्डै पौने २ करोड कित्ता शेयर कारोबार भइसकेको छ । त्यसमध्ये पनि १० कित्ता बढीको शेयर कारोबार पनि ५ सय भन्दा बढी पटक कारोबार भइसकेको छ ।
सोमबार यो कम्पनीको पहिलो कारोबार भएको थियो । नेप्सेले ९८ रुपैयाँ ४३ पैसादेखि अधिकतम २९४ रुपैयाँ २९ पैसाको ओपनिङ रेन्ज दिएकोमा प्रि सेसनमा पहिलो कारोबार नै २९५ रुपैयाँमा भएको थियो ।
नियमित कारोबारमा सर्किट ब्रेक लागेर ३२४ रुपैयाँ ५० पैसासम्म कारोबार पुगेको थियो । करिब डेढ घण्टाको दौरान कम्पनीका १ लाख ६० हजार कित्ता कारोबार भइसकेको छ । सर्वसाधारण लगानीकर्ताले आइपीओमार्फत १० कित्ता मात्रै हात पार्ने गर्दछन् । म्युचुएल फन्डले ५ प्रतिशत आरक्षणमार्फत पाएको शेयर नै पहिलो कारोबार दिन बिक्रीमा राखेको कम्पनीको फ्लोर सिटको आधारमा भन्न सकिन्छ । १० कित्ताभन्दा माथि कारोबार भएका सबै शेयर म्युचुएल फन्डले नै बिक्रीमा राखेका हुन । सानिमा मिडल तमोरको फ्लोर सिट अध्ययन गर्दा सोमबार अधिकतम एकै कारोबारमा ६८३१ कित्तासम्म कारोबार भएको देखिएको छ । ५ सय भन्दा धेरै पटक कारोबार १० कित्ता भन्दा धेरै देखिएको छ ।
