काठमाडौं । सेयर बजारका लागि यो साता पनि उत्ति राम्रो भएन । १९ सय ३३.३१ अंकबाट शुरु भएको यो सातामा नेप्से सूचक थप १८.१६ अंकले गुम्दै १९ सय १५.१५ अंकको विन्दुमा झर्न पुगेको हो । अघिल्लो साता यस्तो सूचक ६९.३९ अंकले गुम्दै १९ सय ३३.३१ अंकको विन्दुमा अडिएको थियो ।
यो साता जम्मा चार दिन बजार खुल्यो । चैत ५ गते अर्थात मार्च १९ मा साताको बजार खुलेको पहिलो दिन नै नेप्सेमा ६.९० अंकको गिरावट आयो । दोस्रो दिन, चैत ६ गते २२.६५ अंकले नेप्से बढ्दै १९ सय ४९.०६ अंकमा उक्लिए पनि यो खुशी एकदिन पनि टिकेन । पर्सिपल्ट अर्थात कारोबारको चौथो दिन चैत ८ गते नै पुनः नेप्सेमा १५.७६ अंकको गिरावट आउँदै १९ सय ३३.३० अंकमा झर्न पुग्यो । चैत ७ गते भने घोडेजात्रा परेकाले सार्वजनिक विदा हुँदा बजार खुलेन । अन्तिम दिन बिहीबार नेप्से सूचक पुनः १८.१५ अंकले घट्दै १९ सय १५.५ अंकको विन्दुमा झरेको छ ।
