काठमाडौं : सानिमा बैंक लिमिटेडले १० प्रतिशत बोनस सेयर दिने भएको छ।
आइतबार सम्पन्न १८ औं वार्षिक साधारणसभाले सञ्चालक समितिले प्रस्ताव गरेअनुसार हालको चुक्ता पुँजीको १० प्रतिशत बोनस शेयर र ०.९८ प्रतिशत नगद लाभांश प्रदान गर्ने प्रस्ताव पारित गरेको हो।
बैंकका अध्यक्ष तुकप्रसाद पौडेलको अध्यक्षतामा सभा सम्पन्न भएको थियो।
सर्वसाधारण समूहको तर्फबाट सञ्चालक समितिमा आशुतोष उपाध्याय र रमेशकुमार पोखरेल साधारण सभाबाट निर्वाचित भएका छन्।
आर्थिक वर्ष २०७८/७९ मा २.०९ अर्ब खुद मुनाफा गरेको बैंकको कुल सम्पत्ति १९२.५१ अर्ब, कुल निक्षेप १५८.८८ अर्ब तथा खुद कर्जा सापटी १४१.६९ अर्ब रहेको छ।
