काठमाडौं । मर्जर प्रक्रियामा रहेका २२ कम्पनीको शेयर कारोबार फुकुवा भएको छ । नेपाल स्टक एक्सचेञ्ज (नेप्से) ले मंसिर तेस्रो सातासम्ममा सो संख्या बराबर कम्पनीको कारोबार फुकुवा गरेको हो । मर्जर प्रक्रियामा रहेकामध्ये ११ कम्पनीको शेयरको कारोबार भने अझै खुला हुन बाँकी छ ।
यसरी फुकुवा हुने कम्पनीहरुमा १० वटा वाणिज्य बैंक, ६ वटा लघुवित्त, ५ वटा इस्योरेन्स कम्पनी रहेका छन् ।
कारोबार खुला हुने वाणिज्य बैंकहरुमा नेपाल इन्भेष्टमेन्ट बैंक, मेगा बैंक, कुमारी बैंक, नेपाल क्रेडिट एण्ड कर्मश (एनसीसी) बैंक, सिभिल बैंक ,सेञ्चुरी बैंक, प्रभु बैंक र हिमालयन बैंक रहेका छन् । योसँगै नेप्सेमा सुचीकृत सवै वाणिज्य बैंकहरुको शेयर कारोबार सुचारु भएको छ ।
