सानिमा बैंकका ग्राहकहरुलाई “No Data, No Problem” योजना अन्तर्गत मोबाइल बैंकिङ्ग सेवा प्रयोग गर्न निःशुल्क इन्टरनेट डाटा उपलब्ध हुने भएको छ ।
यो योजना अन्तर्गत बैंकका ग्राहकहरुले नेपाल टेलिकम र एनसेल सिमबाट सानिमा मोबाइल बैंकिङ्ग एप प्रयोग गर्दा निःशुल्क इन्टरनेट डाटा उपलब्ध हुने बैंकले जनाएको छ ।
मोबाइल बैंकिङ्ग एप प्रयोगकर्ताहरुले एपमा रहेका सबै सेवाहरु जस्तै फन्ड ट्रान्सफर, बिल भुक्तानी, क्युआर कोर्डभुक्तानी, मोबाइल टपअप प्रयोग गर्दा असिमित निःशुल्क इन्टरनेट डाटा प्रयोग गर्न सक्नेछन् । यो योजना अगष्ट १, २०२२ देखि लागू हुने बैंकले जनाएको छ ।
डिजिटल बैंकिङ्गको अधिकतम प्रयोग र नगद रहित कारोबारलाई प्रोत्साहन गर्न सानिमा बैंकले यो सेवा ल्याएको जनाएको छ ।
