लुम्बिनी विकास बैंकसँग स्थापनाकाल देखि “निरन्तर सहयात्रा” गर्दै आउनु भएका किर्तीमानी पर्वतारोही श्री कामी रिता शेर्पाले आफ्नो २६औं पटक विश्वकै सर्वोच्च शिखर सगरमाथाको सफल आरोहणको गर्नु भएको छ । शेर्पा लुम्बिनी विकास बैंकको लोगो अंकित ब्यानर सहित उच्च शिखरमा पुगी आफ्नो नाम पुनः गिनिज बुक अफ वल्र्ड रेकर्डसमा लेखाउन सफल हुनुभएको छ । यस अवसरमा बैंकले आफ्नो १५औं वार्षिकोत्सवको अवसरमा उहाँको उत्तरोत्तर प्रगतिको कामना सहित सम्मान–पत्र किर्तीमानी आरोही शेर्पालाई प्रदान गरेको छ । सो सम्मान–पत्र बैंकका अध्यक्ष श्री दशरथ रिसालले विकास बैंकको केन्द्रीय कार्यालयमा एक समारोहका बीच प्रदान गर्नु भयो ।
किर्तीमानी पर्वतारोही श्री कामी रिता शेर्पा बिगत दुई दशक देखि यस लुम्बिनी विकास बैंकमा “निरन्तर सहयात्री” बनी आबद्ध हुनुहुन्छ । उहाँको यो किर्तीमानी आरोहण आफ्नो लागि मात्र नभएर आफ्नो परिवार, शेर्पा समाज तथा सम्पूर्ण नेपालको लागि आफुले सगरमाथा २६ औं पटक आरोहण गरेको जानकारी दिनुभयो । उहाँको यस शाहसिक कार्यले लुम्बिनी विकास बैंकका साथै सम्पूर्ण नेपाल तथा नेपालीलाई गौरवान्वित बनाएको छ ।
हाल यस विकास बैंकले ७ वटै प्रदेशमा ८६ वटा शाखाहरु मार्फत कारोबार गर्दै आएको छ यस लुम्बिनी विकास बैंक लिमिटेडले “निरन्तर सहयात्रा ” भन्ने नाराका साथ उच्चस्तरीय, आधुनिक एवं नविनतम प्रविधिहरु सहितको सुरक्षित बैंकिङ्ग सेवा प्रदान गर्दै आईरहेको छ । आफ्ना ग्राहकहरुलाई अधिकतम प्रतिफल दिने उद्धेश्यले बैंकले मुद्दती खातामा “मासिक” रुपमा ब्याज प्रदान गर्ने विशेष योजना समेत कार्यान्वयनमा ल्याएको बैंकले जनाएको छ ।
