काठमाडौं । सिभिल बैंक लिमिटेडले ११ प्रतिशत ब्याजदरको ५ वर्षे अवधिको ऋणपत्र जारी गर्ने भएको छ । बैंकले प्रतिकित्ता रू. १ हजार अंकित दरको रू. ५ अर्ब बराबरको ५० लाख कित्ता ऋणपत्र निष्कासन गर्न लागेको हो ।
उक्त ऋणपत्र निष्कासनका लागि बैंकले असार १६ गते नियामक निकाय नेपाल धितोपत्र बोर्डसँग अनुमति माग्दै निवेदन दर्ता गरेको छ । कुल कित्ता ऋणपत्रमध्ये बैंकले २० लाख कित्ता सार्वजनिक निष्कासनमार्फत विक्री गर्नेछ भने ३० लाख कित्ता व्यक्तिगत तवरबाट परिपत्र विधिमार्फत बैंक आफैले विक्री गर्नेछ । यो ऋणपत्र विक्री प्रबन्धकमा ग्लोबल आइएमई क्यापिटल लिमिटेड रहेको छ ।
