जेठ २२, काठमाडौं । नेपाल लाइफ इन्स्योरेन्स कम्पनीको शेयरमूल्य एक वर्ष यताकै न्यून विन्दुमा झरेको छ ।
एक वर्ष अगाडि २०७८ जेठ २२ गते कम्पनीको शेयरमूल्य प्रतिकित्ता रू. २ हजार ८८ रहेकोमा यसको एक वर्ष पछि शुक्रवार प्रतिकित्ता रू. ७९१ मा झरेको छ । यसरी हेर्दा कम्पनीको शेयरमूल्य एक वर्षको अवधिमा ६२ प्रतिशतभन्दा बढी घटेको देखिन्छ ।
कम्पनीले विगतमा आकर्षक लाभांश दिँदै आएकोमा आव २०७६/७७ को मुनाफाबाट शेयरधनीलाई १४ प्रतिशत बोनस शेयर र शून्य दशमलव ७३६८ प्रतिशत नगद लाभांश दिएको थियो ।
त्यसपछि कम्पनीको शेयर घट्दो क्रममा रहेको छ । कतिपय लगानीकर्ताले यो कम्पनीको महँगोमा शेयर किनेका थिए । महँगोमा शेयर किनेकाहरुको बोनस शेयरले घाटा कभर नगरेको बताएका छन् । यसोत यतिबेला कम्पनीको शेयरमूल्य निकै सस्तिएकाले दीर्घकालीन रुपमा लगानी गर्ने समय आएको एक शेयर विश्लेषकले बताए ।
