काठमाडौं : सीडीएस एन्ड क्लियरिङ लिमिटेडको मेरो सेयर सफ्टवेयरमा पुनः समस्या देखिएको छ । बिहान करिब १०ः३० बजेदेखि मेरो सेयरमा समस्या देखिएको हो । सफ्टवेयरमा देखिएको समस्या पहिचान गरी समाधानको काम भइरहेको सीडीएससीको आइटी शाखाले जानकारी गराएको छ । समस्या समाधानका लागि केही समय लाग्ने पनि शाखाले जानकारी गराएको छ । मेरो सेयर सफ्टवेयरमा बारम्बार समस्या आउँदा लगानीकर्ताले सास्ती भोगिरहनु परेको छ ।
