BURTIBANG BRANCH
नेशनल बैंकिङ्ग इन्ष्टिच्युट (NBI) र एभरेष्ट बैंक (EBL)ले चैत ७ गते सहकार्य गर्ने सम्झौता गरेका छन् । जसमा एनबीआईले अपरेशनल रिस्क मेनेजमेन्ट सफ्टवेयर (OMRS) उपलब्ध गराउने छ ।
यो सफ्टवेयरले तथ्याङ्कहरुकाे आन्तरिक नोक्सानीहरुको सूचना उपलब्ध गराउन मद्दत गर्नुका साथै बैंकमा हुन सक्ने महत्वपूर्ण जोखिम संकेत र तिनीहरूकाे नियन्त्रण, विश्लेषण र व्यवस्थापन गर्न सहजीकरण गर्नेछ। सफ्टवेयरले बासेल–३ बमोजिमका संचालन जोखिमहरुलाई नियन्त्रण गरी व्यवस्थापन गर्दछ ।
यो सम्झौतामा एभरेष्ट बैंकका प्रमुख कार्यकारी अधिकृत सुदेश खालिङ्ग र एनबीआईका प्रमुख कार्यकारी अधिकृत कुमार लम्सालले हस्ताक्षर गरेका थिए। उक्त अवसरमा प्रमुख कार्यकारी अधिकृत खालिङ्गले एनबीआईले यस्ता किसिमका बैंकिङ्ग व्यवस्थालाई मजबुत र सुरक्षित गराउने उपयोगी औजारहरुको खोज र विकास गरि सहयोग गर्ने विश्वास र शुभकामना व्यक्त गरे ।
