काठमाडौँ / एभरेष्ट बैंक लिमिटेडले लुम्बिनीको विभिन्न पाँच स्थानमा नयाँ शाखा सञ्चालनमा ल्याएको छ । बैंकले समाजमा रहेको ठुलो तथा फैलिएको वर्गलाई अत्याधुनिक बैंकिङ्ग सेवा र सुबिधाहरु उपलब्ध गराउनका लागि लुम्बिनीको नयाँ पाँच स्थानमा शाखा विस्तार गरेको हो ।
बैंकले फागुन १ गते लुम्बिनीको खैरेनी, योगिकुटि र मणिग्राममा र फागुन २ गते जितपुर, मुर्गियामा आफ्ना शाखाहरू उद्घाटन गरेको जनाएको छ ।
सो शाखाहरूको उद्घाटन एभरेष्ट बैंकका प्रमुख कार्यकारी अधिकृत सुदेश खालिङ र सम्बन्धित वडाका वडाध्यक्षले संयुक्त रूपमा गरेका थिए ।
उद्घाटन समारोहमा एभरेष्ट बैंक लुम्बिनी प्रदेशका प्रादेशिक–प्रबन्धक अनिल कुमार कार्की, बैंकका बजार विभाग प्रमुख पुष्पराज उप्रेतीलगायत अन्य विशिष्ट व्यक्तिहरुको उपस्थिती रहेको थियो ।
