काठमाडौं । एनएमबि बैंकले नेपालमै पहिलो पटक आर्टिफिसियल इन्टेलिजेन्समा आधारित भिडियो केवाईसीमार्फत् खाता खोल्ने योजना ल्याएको छ । इन्टरनेट पहुँच भएका स्वदेश वा विदेशका जुनसुकै स्थानमा बसी एनएमबि बैंकसँग भिडियो कलमार्फत् खाता खोल्ने र तत्कालै सक्रिय समेत हुने व्यवस्था सहित यो अवधारणा ल्याइएको हो ।
अहिलेसम्म अनलाइन खाता भने पनि सक्कल कागजात बोकेर बैंकसम्म पुग्नुपर्ने बाध्यतालाई हटाउँदै सबै कागजातहरु अनलाइनबाटै बुझाउने र अनलाइनबाटै भेरिफाई समेत गर्ने व्यवस्था ल्याइएको हो । यो व्यवस्थाले खासगरी विदेशमा रहेका नेपालीहरुलाई खाता खोल्न र विदेशमा कमाएर पठाएको पैसा सोझै बैंक खातामा जम्मा गर्ने व्यवस्था गर्न सहज हुने बैंकको विश्वास छ ।
