मनोज ज्ञवाली नबिल बैंकको डेपुटी सीईओमा बढुवा भएका छन् । एकवर्ष अघि डीजीएमको रुपमा नबिल बैंकमा प्रवेश गरेका ज्ञवालीलाई नबिल बैंकको सञ्चालक समितिले डीसीईओमा बढुवा गरेको हो ।
नबिल बैंकले महाप्रबन्धकलाई डेपुटी सीईओको जिम्मेवारी दिँदै आएकाले महाप्रवन्धकमा बढुवा भएका ज्ञवाली डेपुटी सीईओ बनेका हुन् ।
चार्टर्ड एकाउन्टेनसमेत रहेका उनीसँग राष्ट्र बैंकमा ७ वर्ष काम गरेको अनुभव छ ।
राष्ट्र बैंकको जागिर छोडेर ग्लोबल आएमई बैंकमा गएका ज्ञवाली नबिल बैंकमा प्रवेश गर्नुअघि ज्योति विकास बैंकको सीईओ थिए ।
