काठमाडौं । पछिल्लो समयमा ह्वाट्सएप, भाइबरजस्ता सामाजिक सञ्जालका प्रयोगकर्तालाई २५ लाखकाे लट्री परेको भन्दै फोन र म्यासेज आउने गरेका छन् । हालै एनसेल आजियाटाले सञ्चालन गरेको लक्की ड्रमा २५ लाख जितेको भन्दै सामाजिक प्रयोगकर्तालाई फोन गरी प्रलोभनमा पार्ने गतिविधि भएको पाइएको छ ।
फेक कल र म्यासेज आउन थालेपछि ग्राहकहरुले एनसेललाई गुनासो टिपाएका छन् । यस्ता कलमा दाबी गरिएको जस्तो कुनै पनि लट्री वा पुरस्कार योजना सञ्चालन नगरेको भन्दै गलत र भ्रामक सन्देश वा कलबाट सतर्क रहन एनसेलले आग्रह गरेको छ ।
