असार २९, काठमाडौं । साताको तेस्रो कारोबार दिन मंगलवार बजार खुलेको पौने एक घण्टाको अवधिमा नबिल बैंकको शेयर सर्वाधिक शेयर खरीदविक्री भएको छ ।
उक्त कम्पनीको सो अवधिसम्ममा रू. ९ करोड ७५ लाख ७५ हजार बराबरको शेयर खरीदविक्री भएको हो । कम्पनीको शेयरमूल्य अघिल्लो कारोबार दिनको तुलनामा ९ रुपैयाँले वृद्धि भएको छ ।
कम्पनीको शेयरमूल्य प्रतिकित्ता रू. १ हजार ३४७ मा अहिले कारोबार भइरहेको छ । उक्त कम्पनीले विगतमा आकर्षक लाभांश वितरण गर्दै आएकाले राम्रो लाभांशको अपेक्षामा लगानीकर्ताले लगानी गरिरहेका छन् ।
