काठमाडौं । कामना सेवा विकास बैंक लिमिटेडले ऋणपत्र बिक्री प्रबन्धक नियुक्त गरेको छ । बैंकले एक हजार अंकित दरका १० लाख कित्ताले हुन आउने अक्षेरुपी एक अर्ब रकम बराबरको “9%KSBBL Debenture 2088” ऋणपत्र जारी गर्नको लागि बिक्री प्रबन्धकको रुपमा एनआईबिएल एस क्यापिटल लिमिटेडलाई नियुक्त गरेको हो ।
सोमबार बैंकका प्रमुख कार्यकारी अधिकृत प्रविण बस्नेत र एनआईबिएल एस क्यापिटल लिमिटेडको सहायक महाप्रबन्धक सचिन्द्र ढुंगानाले सम्झौता–पत्रमा हस्ताक्षर गरेका हुन् ।
