एनआईबीएल एस क्यापिटल NIBL ACE Capital ले लगानीकर्ताहरुले आफ्नो लगानीलाई तत्काल दुई गुणा सम्म वृद्धि गराउन सक्ने अवसर ल्याएको छ । एनआईबीएल सहभागीता फण्ड (खुलामुखी योजाना) सञ्चालनको दोस्रो वार्षिकोत्सवको उपल्क्षयमा क्यापिटलले यो योजनामा सहभागी भइ आफ्नो लगानीलाई दुई गुणासम्म बढाउन सकिने अफर ल्याएको जनाएको हो ।
यस योजनामा सहभागी हुन न्यूनतम ३०० इकाई अनिवार्य खरिद गर्नुपर्ने क्यापिटलले बताएको छ । योजना यहि असार २० गते देखि असार २४ गते सम्म मात्र लागु हुने क्यापिटलले जनाएको छ । यो योजना भने व्यक्तिगत ग्राहकहरुका लागि मात्र ल्याएको हो ।
यस योजनाको नतिजा २०७८ साल श्रावण १५ गते गोलाप्रथाद्वारा फेसबुक लाईभ मार्फत गरिने र योग्य सहभागिहरुबाट २० जना विजेता घोषणा गरिने बताएको छ । योजनाको नियम र सर्तहरु अनुसार पुरस्कार वितरण गरिनेछ ।
