मनकामना स्मार्ट लघुवित्तले निष्काशन गरेको आईपिओमा ४५ गुणा बढीको आवेदन परेको छ । कम्पनीको आईपिओमा आज शुक्रबार बेलुका ५ बजेसम्ममा १२ लाख ३१ हजार २ सय ११ जना आवेदकबाट १ करोड ६३ लाख ८९ हजार ८ सय ४० कित्ताको लागि आवेदन परेको हो । यो माग गरिएको भन्दा ४५.०८ गुणा बढी हो ।
कम्पनीले असार १७ गतेदेखि आईपिओ बिक्रि खुला गरेको हो । कम्पनीले ३ करोड ८९ लाख बराबरको ३ लाख ८९ हजार कित्ता शेयर निष्काशन गरेको हो । जस मध्ये ६ हजार ५८ कित्ता कम्पनीका कर्मचारीलाई र १९ हजार ४ सय ५० कित्ता शेयर सामुहिक लगानी कोषलाई छुट्याईएको छ । बाँकि रहेको ३ लाख ६३ हजार ४ सय ९२ कित्ताको लागि सर्वसाधारणले आवेदन दिन सक्ने छन् । आवेदन दिंदा न्युनतम १० कित्ता र अधिकतम १००० कित्ताको लागि आवेदन दिन सकिने छ ।
