काठमाडौं : शिखर इन्सुरेन्सले ३० प्रतिशत हकप्रद सेयर निष्काशन गर्न एनआइबीएल एस क्यापिटललाई बिक्री प्रबन्धक नियुक्त गरेको छ । शिखर इन्सुरेन्सले हाल कायम चुक्ता पुँजीको ३० प्रतिशतले हुन आउने ५२ लाख ७५ हजार ५७२ कित्ता हकप्रद सेयर जारी गर्न लागेको हो ।
हकप्रद सेयर निष्काशन सम्बन्धी सम्झौतामा शिखर इन्सुरेन्स कम्पनी लिमिटेडका कम्पनी सचिव सुरज राजबाहक तथा निष्काशन तथा बिक्री प्रबन्धकका तर्फबाट नायब प्रमुख कार्यकारी अधिकृत मेखबहादुर थापा र सहायक महाप्रबन्धक सचिन्द्र ढुंगानाले हस्ताक्षर गरेका छन् । हाल यस कम्पनीको चुक्ता पुँजी १ अर्ब ७५ करोड रुपैयाँ रहेको छ ।
